Related Posts with Thumbnails

Thursday, December 31, 2009

വീണ്ടും ഒരു പുതുവര്‍ഷം..!




പുത്തന്‍ പ്രതീക്ഷകളുമായെത്തുന്ന പുതുവര്‍ഷം എല്ലാവര്‍ക്കും നന്മവരുത്തട്ടെ എന്നാശംസിക്കുന്നു...!

Monday, December 28, 2009

"കാടെവിടെ മക്കളെ ..കൂടെവിടെ മക്കളെ ....? "



ഇത്തരം ദീനരോദനങ്ങള്‍ കേള്‍ക്കതെ, നിബിഡവനങ്ങളും മഴക്കാടുകളും വെട്ടിത്തെളിച്ചശേഷം
ഏതു കോപ്പില്‍(കോപ്പന്‍ ഹേഗ്)പോയി കോടികള്‍ മുടിച്ചു്‌ ഉച്ചകോടിയും 'രാത്രികോടിയും' 
ആഘോഷിച്ചു്‌ കാലാവസ്ഥാവ്യതിയാനവും പരിസ്തിതി പ്രശ്നവും ചര്‍ച്ച ചെയ്തിട്ടെന്തുപ്രയോജനം?

Thursday, December 24, 2009

ക്രിസ്തുമസ്സ് കേക്കു്‌ ..!

ക്രിസ്തുമസ്സ് അല്ലേ .. ഒരു കേക്കു തന്നെയാകട്ടെ..!
ഐസിങ്ങൊക്കെവച്ചു്‌ നല്ല രീതിയില്‍ ഡക്കറേറ്റ് ചെയ്ത
ഒരു ചോക്ലേറ്റ് കളര്‍ ക്രിസ്തുമസ്സ് കേക്കു്‌ ...!

സാങ്കല്പികമായ ഇതിന്റെ രൂപകല്പന, ഉള്ളിലെ ഡിസൈന്‍ ‍‍,

കളറിങ്ങ്, ഐസിങ്ങ് തുടങ്ങി പാചകം വരെ പ്രക്യതിയാണു്‌....!

വാചകം എന്റേതും..! (ഒരു ചെറിയ പൂവിന്റെ ഉള്‍വശത്തെ ക്ലോസപ്പ്.)
എല്ലാവര്‍ക്കും ഒരിക്കല്‍ക്കൂടി ക്രിസ്തുമസ്സ് ആശംസകള്‍..!

Tuesday, December 22, 2009

"വൌ.. വാട്ട് എ ബ്യൂട്ടി...?"

ആള്‍ക്കാരു പറഞ്ഞപ്പം ഇത്രേം സുന്ദരനാണെന്നു് ഞാന്‍
വിചാരിച്ചതേയില്ല...? ഇതില്‍ക്കൂടി 'വിശ്വരൂപം' നേരിട്ടു
കണ്ടപ്പോഴല്ലേ ഞാന്‍ ഇത്രയും വല്യ ഒരു ബ്യൂട്ടിയാണെന്നു
മനസ്സിലായതു്‌.. മുഖത്തൊക്കെ ചെറിയ ചുളിവുപോലെ
കാണുന്നു... അതു്‌ ഈ കണ്ണാടീടെ കുഴപ്പമായിരിക്കണം....!

Saturday, December 19, 2009

'പോലീസിന്റെ എല്ല്‌...!'


നമ്മുടെ പോലീസിനു്‌ ഒരെല്ല്‌ കൂടുതലാണെന്നാ
ആഭ്യന്തരമന്ത്രിയുടെ പക്ഷം..!
പോലീസ് സ്റ്റേഷനടുത്തൂടെ വരുമ്പോള്‍ കിട്ടിയതാണു് ഇതു്...
ചിലപ്പോള്‍ മുകളില്‍ വല്യ പിടിപാടൊന്നുമില്ലാത്ത വല്ല
പാവങ്ങളേം ചോദ്യം ചെയ്തപ്പം പോലീസുകാര്‌
ഊരിയെടുത്തതാണോ എന്നറിയില്ല..?
ഏതായാലും ഒരെണ്ണം അധികപ്പറ്റാണെന്നു
കേട്ടപ്പം ഞാനതിങ്ങെടുത്തോണ്ടു പോന്നു... !!!

Wednesday, December 16, 2009

'പാവന നക്ഷത്രം വാനിലുദിച്ചു..!'

സമാധാനത്തിന്റെയും സന്തോഷത്തിന്റെയും
മഹത്തായ സന്ദേശവുമായി ഉദിച്ച പാവന
നക്ഷത്രത്തിന്റെ ഓര്‍മ്മകളുമായി ക്രിസ്തുമസ്സ്
എത്തുമ്പോള്‍ , അതിനെ വരവേല്‍ക്കാനും
ആഘോഷങ്ങളില്‍ പങ്കുചേരാനുമായി ഒരു
കുഞ്ഞു നക്ഷത്രം ഞാന്‍ ഇവിടെ തൂക്കിയിടുന്നു..
(ചെറിയ കമ്മലിനോളം വരുന്ന വഴിയോരത്തു
കണ്ട ഒരു കുഞ്ഞുപൂവിന്റെ ക്ലോസപ്പ്‌ ചിത്രമാണു്‌ ഇതു്‌.
ഫോട്ടോയില്‍ ക്ലിക്കു ചെയ്താല്‍ വലുതായിക്കണാം.)

എല്ലാവര്‍ക്കും എന്റെ നന്മനിറഞ്ഞ ക്രിസ്തുമസ്സ്
ആശംസകള്‍..!

Monday, December 14, 2009

" ഇത്രേം മതിയോ..? "


"നന്നായിക്കാണാന്‍ പറ്റുന്നോ ഡോക്ടര്‍..? അങ്ങേയറ്റത്തേ
അണപ്പല്ലിനാണു്‌ കുഴപ്പം..! റൂട്ട് കനാലോ 'സൂയസ് കനാലോ'
എന്തായാലും വേണ്ടില്ല, പ്രൈവറ്റ് പ്രാക്റ്റീസ് ഗവണ്മേന്റു്‌
നിര്‍ത്തിക്കളഞ്ഞെന്നും പറഞ്ഞ് കൈയ്യോഴിയല്ലേ...!
മെഡിക്കല്‍ കോളേജില്‍ ചെന്നപ്പോള്‍ അതു്‌
റഫറലാക്കിയെന്നാ പറഞ്ഞുകേട്ടതു്‌...!! "

Friday, December 11, 2009

ഉള്‍ക്കാഴ്ച്ച..!

കാണുമ്പോള്‍ വണ്ടിയുടെ ക്ലച്ചോ ബ്രേക്കോ അതോ വല്ല
വര്‍ക്ക്‌ഷോപ്പിലെ പണിആയുധങ്ങളോ പോലെ തോന്നിയേക്കാം..
നല്ല കടും ചുവപ്പു നിറമുള്ള ഒരു പൂവിന്റെ ഉള്ളില്‍ നിന്നും
പുറത്തേക്ക്‌ തള്ളിനില്‍ക്കുന്നഅവയവങ്ങളും
പൂമ്പൊടിയുടെ ശേഖരവുമാണു് ഇതു്‌.

Tuesday, December 8, 2009

"മേഘസന്ദേശം..!"


പഴയ സീതാദേവിയ്ക്കു ഇ- മെയില്‍ അയ്ച്ചിട്ട് ഒരു
റിപ്ലെയുമില്ല...! അശോകവനം 'പ്രഭാകരന്‍ ചേട്ടന്‍ '
വെട്ടിവെളുപ്പിച്ചോ എന്നറിയില്ല... ചേട്ടന്‍ 'പുലിയല്ലേ' ..?
പുഷ്പക വിമാനമൊന്നും വേണ്ടാ.. ടിക്കറ്റ്
നിരക്കും കൂടുതലാ, എപ്പഴാ പയ്‌ലറ്റ് പണിമുടക്കു
വരുന്നതെന്നും അറിയില്ല.. പകരം കവിപറഞ്ഞ 'സങ്കല്പ വായൂ
വിമനത്തിലേറി' നേരിട്ട് ഒന്നുപോയി
അന്വേഷിച്ചുവരാം.. രാവണന്‍ ഇല്ലെങ്കിലും "പക്ഷെ"
അവിടെകാണുമല്ലോ..?
പ്രധാന ഉദ്ദേശം അതല്ല.. പോകുന്നവഴിക്കു്‌ പണ്ടു്‌
ഞങ്ങളു്‌ കെട്ടിയ ആ ചിറ ഇപ്പഴും അവിടെ
ഉണ്ടോയെന്നറിയണം.... ഇവിടെ
സേതുസമുദ്രമാണല്ലോനമ്മുടെ പ്രശ്നം....!

Saturday, December 5, 2009

" സ്പൈഡര്‍മാന്‍..‍! "

കൊച്ചുകുട്ടികളുടെ പ്രിയപ്പെട്ട കൂട്ടുകാരനും
അതിസാഹസികനുമായ സ്പൈഡര്‍മാനെ
അറിയില്ലേ... സദാസമയവും മുഖംമൂടിയിട്ടു്‌ ഏതൊ
സിമ്പലുള്ള ജായ്ക്കറ്റും ധരിച്ചു്‌ എവിടെയും
പറന്നും വലിഞ്ഞും കയറുന്ന ആ കക്ഷിയെ
ഓര്‍ക്കുന്നില്ലേ...?

ഇതാ അതിന്റെ മറ്റൊരുരൂപം.. ജായ്ക്കറ്റും
മുഖംമൂടിയുമൊക്കെയിട്ടു്‌ ' ഹാന്‍സപ്പ് ' പറയുന്ന
രീതിയില്‍ നില്‍ക്കുന്ന ഇതാരാണന്നല്ലേ....?

എട്ടുകാലിയെന്നും ചിലന്തിയെന്നും നമ്മള്‍
വിളിക്കുന്ന സാക്ഷാല്‍ സ്പൈഡര്‍ തന്നെ... ഇഷ്ടന്‍
തന്റെ സ്വന്തം 'വെബ്ബ്‌സൈറ്റില്‍' ശീര്‍ഷാസനത്തില്‍
നില്‍ക്കുന്ന ചിത്രമാണു്‌ ഇതു്‌..!

Wednesday, December 2, 2009

'പിന്‍ഗാമി'

പിന്‍വാതിലിലൂടെ ഒരുകാര്യവും ചെയ്യാന്‍ പാടില്ല
എന്നാണല്ലൊ ഇപ്പോഴത്തെ നിയമം.! പക്ഷേ പാവം
ഈ കുഞ്ഞു്‌ 'വോട്ടര്‍' ഉണ്ടോ ഇതറിയുന്നു..?

ഏതുകാര്യമായാലും ഇന്നത്തെക്കാലത്തു്‌ എല്ലാവരും
ചെയ്യുന്നതുപോലെ ആയാല്‍ അതിനു്‌ ഒരു ത്രില്ലില്ല..
എന്തെങ്കിലും ഒരു പ്രത്യേകത വേണ്ടേ..? ചിലപ്പോള്‍
ഗിന്നസ് ബുക്കിനകത്തൂടെയെങ്ങാനും കയറി
നടക്കാന്‍ പറ്റില്ലെന്നാരുകണ്ടൂ..?

പുതിയ ജനറേഷേന്‍, പാലുകുടി എന്ന ഈ സൌജന്യ
'റേഷേന്‍' പോലും അല്പം മോഡേണ്‍ സ്റ്റൈലില്‍ പരീക്ഷിച്ചുനോക്കുന്നു..!!

Saturday, November 28, 2009

ഊന്നു വടി..!


വയസ്സായില്ലേ കുഞ്ഞേ... തീരെ നടക്കാന്‍മേലാ... ഒരു ഊന്നു വടിയെങ്കിലും
സഹായത്തിനില്ലാതെ എങ്ങെനെയാ... ?
വായില്‍ പ്ലാസ്റ്റര്‍ ഒട്ടിച്ച് കെട്ടിയിട്ടേച്ചല്ലേ ഇപ്പോള്‍
കാറ്‌ വരെ അടിച്ചോണ്ടു പോകുന്നതു്‌..!
ഏതായാലും കുറച്ചു ബലമായിത്തന്നെ പിടിച്ചേക്കാം...
ഇനി എത്രമാണിക്കൂറാ ജീവിച്ചിരിക്കുക
എന്നാരുകണ്ടു.. !

Wednesday, November 25, 2009

' കുഴല്‍പ്പണം..! '

കുഴല്‍പ്പണം കുഴല്‍പ്പണം എന്നു പറയുന്നുണ്ടെങ്കിലും ഇതില്‍ പണോം
കാശുമൊന്നും കാണുന്നില്ല..
ഈ മനുഷ്യര്‍ വെറുതെ ഓരോന്നു പറഞ്ഞുണ്ടാക്കുന്നതായിരിക്കും...!
പലഹാരങ്ങളുടെ കൊതിപ്പിക്കുന്ന മണം
വരുന്നതല്ലാതെ എത്രസൂക്ഷിച്ചു നോക്കിയിട്ടും ഈ പുകയ്ക്കകത്തുകൂടി
മറ്റൊരു കുന്ത്രാണ്ടോം കാണാന്‍ കഴിയുന്നില്ല...!!

Monday, November 23, 2009

വിശറി..!

ഉഷ്ണം കൊണ്ടു പൊറുതിമുട്ടുമ്പോള്‍ കാറ്റുകിട്ടാന്‍വേണ്ടി കൈയില്‍ കൊണ്ടു നടക്കാന്‍
പറ്റുന്ന തരത്തിലുള്ള പഴയകാല ഫാനാണു്‌
വിശറി. കറന്റുപോയാലും ഇഷ്ടന്റെ ' കാറ്റുപോകാറില്ല ' !
ആദ്യകാലത്തു്‌പനയോലകൊണ്ടും പിന്നെ പേപ്പര്‍,
പ്ലാസ്റ്റിക്കു്‌ തുടങ്ങിയവ കൊണ്ടും ഉണ്ടാക്കിയ പലതരം വിശറികള്‍ നാം
കാണാറുണ്ടല്ലോ!
എന്നാല്‍ അതുപോലെ ചെത്തിമിനുക്കി നല്ല സ്റ്റൈലില്‍
പ്രക്യതി ഉണ്ടാക്കിയിരിക്കുന്ന ഒരു കാഴ്ച്ച കാണുക. ഇതു പക്ഷേ വിശറിയല്ല...
ഒരു വിടര്‍ന്ന കുമിളിന്റെ ( മഷ്രൂം ) അടിഭാഗത്തിന്റെ
ക്ലോസപ്പ് ഫോട്ടോയാണു്‌.

Friday, November 20, 2009

ഹലോ.. കേള്‍ക്കാമോ..?


" ഹലോ.. ഹലോ..... ഗോപാലക്യഷണാ.....
കേള്‍ക്കാമോ..?
കമ്പിളിപ്പൊതപ്പേ.... അവിടുന്നു
പോരുമ്പം ഒരു കമ്പിളിപ്പൊതപ്പ്.. ഹലോ... ഹലോ..
കേള്‍ക്കാമോ......!!! "

Tuesday, November 17, 2009

വാല്‍ 'കഷണം' !

അല്ലെങ്കിലും ഇപ്പോഴത്തെ പിള്ളേര്‍ക്കു്‌ വാല്‌
ഇത്തിരി കൂടുതലാ... അങ്ങനെ വിട്ടാല്‍ ശരിയാവില്ല .
അതിനു്‌ ഒരു നല്ല പണിയുണ്ട്...
വെരി സിമ്പിള്‍..! ഇതു്‌ ഞാന്‍ ശരിയാക്കിത്തരാം. ഒരു കത്തി
ഇങ്ങെടുത്തേ..!!

Saturday, November 14, 2009

നെഗറ്റീവ്..!

റോഡരുകില്‍ നിന്നു്‌ അമ്മയുടെ പാല്‍ കുടിക്കുന്ന
ആട്ടിന്‍കുട്ടിയുടെ ഫോട്ടോയാണ്‌ ഇതു്‌. ഒരു പ്രത്യേകത ഇതിനുണ്ട് . കുറച്ച് അകലെ നില്‍ക്കുന്ന ആടിന്റേയും കുട്ടിയുടേയും നിഴല്‍ മാത്രമാണു്‌ ഇവിടെ കാണുന്നത് . രാവിലെ ആയതിനാല്‍ ഈ നിഴലുകള്‍ക്കു നീളം കൂടുതലായി തോന്നിക്കുന്നു...

Wednesday, November 11, 2009

" അനിമല്‍ സ്റ്റാര്‍ സിംഗര്‍ ! "

(കണ്‍ഫ്യൂഷന്‍ റൌണ്ട്)

"ശ്രുതി" വരുന്നോ പോകുന്നോ എന്നു്‌ നമുക്കു
നോക്കണ്ടാ.. അവള്‍ക്ക് ഇഷ്ടമുള്ളപ്പോള്‍ വരട്ടെ..!
ഏതായാലും നല്ല ഫുള്‍വോളിയത്തില്‍
എട്ടരക്കട്ടയ്ക്ക് വച്ചുപിടിച്ചോ...
നാലുപേരുകേള്‍ക്കട്ടെ...!

ഇടയ്ക്കു തിന്നാന്‍ കൊള്ളാവുന്ന വല്ലതും കണ്ടാല്‍
ആ "സംഗതി" അടിച്ചുമാറ്റാനും മറക്കണ്ടാ.. പക്ഷെ
സൂക്ഷിക്കണം, സമ്മാനം ഓര്‍മ്മയുണ്ടല്ലോ അവരുടെ
കൈയ്യില്‍ കിട്ടിയാല്‍ നമ്മള്‍ 'ഫ്ലാറ്റാ..' !

Friday, November 6, 2009

" ചിലകുടുംബ പ്രശ്നങ്ങള്‍ ‍! "


കുടുംബക്കോടതിയെ സമീപിക്കേണ്ട കാര്യമുണ്ടോ..?
വെറുതെ ഒന്നും രണ്ടും പറഞ്ഞ് തുടങ്ങിയതാ.. ഇത്രയും കുഴപ്പമാകുമെന്നു വിചാരിച്ചില്ല...
തമ്മില്‍ ഉരിയാടാതെ എന്തിനു, പരസ്പരം നോക്കുകപോലും ചെയ്യാതെ വഴക്കിട്ട്
ദൂരെമാറിയിരിക്കുകയാണ്‌ രണ്ടു പേരും.. !

Monday, November 2, 2009

ഗുസ്തി

ഏതായാലും മനുഷ്യര്‍ക്കു മാത്രമായി സ്പോര്‍ട്ടസും
ഗെയിംസും നടത്തുന്നത് ഒട്ടും ശരിയല്ല ! നമ്മള്‍
പ്രക്യതി സ്നേഹികളല്ലേ ? സ്റ്റ്ണ്ടും ഗുസ്തിയും
മത്സരങ്ങള്‍ നടത്താന്‍ മറ്റുജീവികള്‍ക്കും
അവകാശമില്ലേ ? അവരേയും നമ്മള്‍
അംഗീകരിക്കണം !

രണ്ടായിരത്തി പത്തിലേക്കുള്ള കോമണ്‍വെല്‍ത്ത്
ഗെയിംസ് ഇന്‍ഡ്യയില്‍ നടത്താന്‍ രാഷ്ട്രപതി
ചെന്നു്‌ ബാറ്റണ്‍ കൈമാറുന്ന ചടങ്ങ്
നടന്നതേഉള്ളു.. എങ്കിലും ചില
വിരുതന്മാര്‍ ഇവിടെ ഗുസ്തിയുടെ പ്രാക്റ്റീസ് തുടങ്ങിക്കഴിഞ്ഞു...

സംശയിക്കണ്ട ഒരു സ്വര്‍ണ്ണ മെഡല്‍ ഉറപ്പാണ്...!
വിശ്വാസം വരുന്നില്ലെങ്കില്‍ ഈ മല്ലയുദ്ധം കാണുക.
ഗോദായില്‍ വച്ച് സ്വന്തം എതിരാളിയെ
കൊങ്ങായ്ക്ക് (കഴുത്തില്‍) കുത്തിപ്പിടിച്ച് ഒരു
ദയവുമില്ലാതെ നിലത്ത്ടിച്ച് തറപറ്റിക്കുന്ന കാഴ്ച്ച !!

Saturday, October 31, 2009

ലഡൂ..!

പലതിന്റെയും നേര്‍ക്കാഴ്ച്ചയാണ് ഞാന്‍ ഉദ്ദേശിക്കുന്നത്. മനസ്സില്‍ പതിഞ്ഞ കുറെ കാഴ്ച്ചകളും വ്യത്യസ്തമായ ചില കാഴ്ച്ചപ്പാടുകളും. അതാണ്‌ എന്റെ ബ്ലോഗ്. ആധുനീക സാങ്കേതികവിദ്യയുടെ
അതിപ്രസരമില്ലതെ അതായത്, പൊടിക്കൈകളോ മിനുക്കുപണികളോ ഉപയോഗിക്കാത്ത ചിത്രങ്ങളാണു ഇതില്‍ ചേര്‍ക്കുന്നത് എന്നകാര്യം കൂടി പറയട്ടെ.

ഇന്നു ബേക്കറികളില്‍ കിട്ടുന്ന പല്ഹാരമാണു ലഡൂ. കൊതിയൂറുന്ന
നിറങ്ങളില്‍ ചില്ലിട്ട അലമാരകളില്‍ അവ സൂക്ഷിച്ചിരിക്കുന്നത് കാണാനും
ഒരു സുഖമുണ്ട്. വെറുമൊരു സാധാരണ കാഴ്ച്ച ഇതില്‍ എന്തു
പ്രത്യേകത എന്നല്ലേ ?

മേമ്പൊടിയായി പുറമേ പഞ്ചസാര തൂവി വരിയായി നിരത്തി
വച്ചിരിക്കുന്ന ലഡുപോലെ തോന്നിക്കുന്ന ഈ വര്‍ണ്ണക്കാഴ്ച്ച പക്ഷേ
ബേക്കറിയില്‍ നിന്നുള്ളതല്ല; പ്രക്യതിയില്‍ നിന്നുള്ള രസകരമയ ഒരു
കാഴ്ച്ചയാണു്‌. വിടരുന്ന ഒരു സൂര്യകാന്തി പൂവിന്റെ ഉള്‍വശമാണ്‌ ഇതു.

Followers

Blog Archive

Chayakootu 10-Mar-2014

Drishya Keralam

About Me

My photo
എന്നേക്കുറിച്ച്.... കലാകാരന്മാര്‍ ദരിദ്രവാസികളാണെന്നാണു്‌ പൊതുവെ പറയാറുള്ളതു്‌. അതു്‌ സത്യമാണെങ്കില്‍ മാത്രം ഞാന്‍ ഒരു വലിയ കലാകാരനാണു്‌! പിന്നെ പൂജ്യപാദന്‍ എന്നാല്‍ 'വട്ടപ്പൂജ്യമായവന്‍' എന്നാണു്‌ അര്‍ത്ഥമെങ്കില്‍ ഒട്ടും സംശയിക്കേണ്ട ഞാന്‍ പൂജ്യപാദനായ ഒരു വലിയ കലാകാരനാണു്‌!!

Clock

  © Blogger template 'Photoblog' by Ourblogtemplates.com 2008

Back to TOP